យើងនៅទីនេះ ដើម្បីធ្វើឱ្យបច្ចេកវិទ្យាក្លាយជាមិត្តរបស់អាជីវកម្មខ្មែរ

ចាប់ផ្តើមពីបញ្ហាពិតដែលយើងឃើញរាល់ថ្ងៃ

នៅកម្ពុជា អាជីវកម្មរាប់ពាន់នៅតែគ្រប់គ្រងដោយសៀវភៅកត់ត្រា Excel ច្រើនសន្លឹក និងការចងចាំ។ សាលារៀនរាប់វត្តមានលើក្រដាស ហាងបញ្ចាំភ្លេចថ្ងៃផុតកំណត់ ហាងកាហ្វេមិនដឹងប្រាក់ចំណេញពិតប្រាកដ។

កម្មវិធីបរទេសច្រើនតែថ្លៃ ពិបាកប្រើ មិនមានភាសាខ្មែរ និងមិនភ្ជាប់ជាមួយ ABA KHQR ដែលអតិថិជនខ្មែរប្រើរាល់ថ្ងៃ។ ចំណែកការបង្កើតប្រព័ន្ធផ្ទាល់ខ្លួន គឺហួសពីថវិកាអាជីវកម្មខ្នាតតូច។

ដូច្នេះ យើងបានបង្កើត Frienddy — Platform តែមួយដែលមានប្រព័ន្ធរួចរាល់សម្រាប់ប្រភេទអាជីវកម្មផ្សេងៗ ជាភាសាខ្មែរ ក្នុងតម្លៃប្រចាំខែដែលសមរម្យ។ ហើយសម្រាប់អាជីវកម្មដែលត្រូវការលើសពីនេះ យើងផ្តល់សេវាកម្មឌីជីថលពេញលេញ ពីគេហទំព័រ រហូតដល់ការផ្សព្វផ្សាយ។